Фото авторы: depositphotos.com
ТЖМ құтқарушылары 5 метрлік жардан құлаған егде әйелге көмек көрсетті, деп хабарлайды Newmedia.kz тілшісі.
8 қарашада Павлодар қаласында А. Бөкейхан көшесінде 1945 жылы туған егде әйел адам Ертіс өзенінің жағасындағы жардың бойымен серуендеу кезінде, абайсызда төменге құлап кеткен.
Оқиға орнына ТЖМ құтқарушылары шұғыл жетіп, зардап шеккен әйелдің орналасқан жерін анықтап, құтқару жұмыстарына кірісті.
Жер бедерінің күрделілігі мен жардың биіктігін ескере отырып, әйелді эвакуациялау үшін альпинистік жабдықтар пайдаланылды.
Арнайы жабдықтар мен зембілді қолдана отырып, құтқарушылар әйелді шамамен 5 метр биіктіктен жоғары көтерді. Зардап шеккен әйел қауіпсіз жерге жеткізіліп, жедел медициналық жәрдем бригадасына тапсырылды.
Пікір жоқ